U\u00e8i 6 de geni\u00e8r, ont preni ma pluma per escriure aquel article, es lo jorn de l’Epifania. Sab\u00e8tz vosautres \u00e7\u00f2 qu\u2019es aquesta ist\u00f2ria e d\u2019ont ven ? De tot biais ne vos vau faire aqu\u00ed un resson.<\/p>\n\n\n\n
Tot comen\u00e7\u00e8t qualques jorns apr\u00e8p la naissen\u00e7a de l\u2018enfant J\u00e8sus. Epifania es doncas una f\u00e8sta crestiana. Mas a una significacion diferenta segon los crestians d\u2019Occident o los crestians d\u2019Orient. Pels primi\u00e8rs aqu\u00f2 simboliza l\u2019adoracion de l\u2019enfant J\u00e8sus pels Reis M\u00e0gers, pels segonds aqu\u00f2 representa la data aniversari del batisme de J\u00e8sus.<\/p>\n\n\n\n
En \u00e7\u00f2 n\u00f2stre aquel jorn se p\u00f2t tanben sonar lo \u00abjorn dels reis\u00bb. Aquel nom es balhat en l\u2019onor dels Reis M\u00e0gers. \u00c8ran pas tant de Reis mas de saberuts qu’espepissavan las estelas. La tradicion nos ditz qu\u2019\u00e8ran tres, Melqui\u00f2r, Gaspard e Baltazar. Aqueles tres \u00f2mes seguigu\u00e8ron una estela (segurament una cometa), que los men\u00e8t a la gr\u00e8pia. Reconegu\u00e8ron en J\u00e8sus, l\u2019enfant de Dieu. Li ofrigu\u00e8ron : d\u2019encens, d\u2019aur e de mirra.<\/p>\n\n\n\n
La galeta del reis, quant a ela, a pas de ligam amb la religion. Nos ven d\u2019una tradicion Romana que se sona \u00ablas Saturnalas\u00bb. Aquesta f\u00e8sta consistissi\u00e1 a elegir un rei, demest los joves soldats. Aquel rei podi\u00e1 alara comandar tot \u00e7\u00f2 que voli\u00e1.<\/p>\n\n\n\n
En foncion de las regions ont s\u00e8tz, traparetz diferentas galetas. Del pastisson redond de la pasta fulhetada a la corona garnida de fruchas confidas que i fogu\u00e8t pla\u00e7ada una fava. Lo que la tr\u00f2ba ven rei o reina. La tradicion v\u00f2l que lo mainatge mai jove ane jos la taula, per designar la part que recebr\u00e0 cada taulejaire.<\/p>\n\n\n\n
A la debuta la fava veni\u00e1 de l\u2019\u00f2rt. Es sonque en 1875 que la fava fogu\u00e8t rempla\u00e7ada per una en porcelana de Saxe.<\/p>\n\n\n\n
Se ne manjatz una del costat de Lim\u00f3s, vos cal pas estonar de ne trapar doas. Una que vendr\u00e0 de l\u2019\u00f2rt que sonan la fava e una en porcelana que sonan lo subj\u00e8cte. La tradicion v\u00f2l que lo que tr\u00f2ba la fava paga la galeta venenta e lo que tr\u00f2ba lo subj\u00e8cte paga la blanqueta.<\/p>\n\n\n\n
Vos daissi vos congostar tot en escotant l\u2019enregistrament de r\u00f2tla galeta.<\/p>\n\n\n\n