Per n\u00f2stre segond estagi lenga e cultura, agu\u00e8rem l’astre d’anar visitar lo Menerb\u00e9s, e fogu\u00e8rem aculhits a « la b\u00f2ria dels soquets » a la Cauneta.<\/p>\n\n\n\n
Crompada en 1978, fogu\u00e8t pendent 15 ans un lu\u00f2c de vida pels joves.<\/p>\n\n\n\n
Los proprietaris i trabalhavan lo m\u00e8l, lo fromatge amb lor cinquantenat de cabras e los legums.<\/p>\n\n\n\n
En 2006, l’activitat familiala fogu\u00e8t tornada presa pels enfants.<\/p>\n\n\n\n
A l’ora d’ara, los proprietaris an una quarantena de cabras, que vivon dins una cabrari\u00e1 bastida a la man. La tira del lach se fa tanben a la man, dos c\u00f2ps per jorn, d’ora lo matin e en fin de tantossada. La nu\u00e8ch, los pichons son desseparats de las maires per que la tira del matin siague b\u00e8la.<\/p>\n\n\n\n
Cada matin, abans de tirar lo lach, es necessari d’analisar las cellulas de las mam\u00e8las al « teepol ». Amb aquela manipulacion, se las mam\u00e8las son contaminadas, lo lach vendr\u00e0 mai esp\u00e9s e ser\u00e0 inutilizable pel fromatge. Per jorn, se rec\u00f2lta 70 litres de lach, e una cabra produs\u00eds a pauc pres 300 L de lach per an.<\/p>\n\n\n\n
Amb aquel lach, se farga mantunes fromatges, lo pelardon, la toma, de brica e tanben de gla\u00e7as. Pu\u00e8i se vendr\u00e0n als mercats de Narbona e d’Olonzac.<\/p>\n\n\n\n
Pass\u00e8rem un polit moment dins aquel ja\u00e7 enrodat de garrigas e montanhas e vos aconselham de vos i anar passejar, seretz aculhits coma cal.<\/p>\n\n\n\n