Aquesta setmana vos prepausam un « Qué de nòu de l’actualitat ».
1- En Australia, 7 diables de Tasmania son nascuts. L’espècia foguèt tornada introdusida a l’estat salvatge. Es una espècia desapareguda del continent dempuèi 3 000 ans que tòrna prene vida. Dempuèi las annadas 1990 una malautiá faguèt tombar las populacions e los darnièrs especimèns demorèron sus l’isla de Tasmania.
2- Los imatges satelits del programa europenc Copernicus, mòstran lo mai gròs icebèrg d’Antartica se destacar de la banquisa, amb sos 4 320 km2 es lo mai gròs del monde.
3- En China, las familhas son autorizadas a aver mai de dos enfants. Lo vielhiment de la populacion e la casuda de las naissenças amb la Covid tornèt metre en question la politica de contraròtle de las naissenças.
4- Al Congò, environ 14 000 personas fugiguèron l’erupcion del volcan Nyiragongo. Lo magmà sosterranh menaça lo lac Kivu, que poiriá liberar de gas mortal e sufocant.
https://www.bbc.com/afrique/region-57293424
5-L’incendi d’un pòrtacontenedors de produches toxics que toquèron las plajas del Sri Lanka d’una èrsa de pollucion. Pausa la question de la subrevida dels estatjants e de l’activitat economica, en particular l’avenidor dels pescaires.
6- Al Canadà, d’expèrts trapèron mai de 200 òssaments d’enfants. Aqueles èran al pensionat autoctòn de Kamloops, en Colombia-Britanica.
Marilon Ferré e la còla