Totes los que son passats per aquí o sabon : la dintrada a Aprene es un moment tant esperat. Fa d’annadas qu’ausissi parlar de la formacion, del ligam especial e de la bona ententa dels calandrins. Doncas es amb plaser qu’ai encontrada la còla 2020 d’Aprene… mascada !
E òc, un virus maishantament coronat decidiguèt que l’annada de formacion començariá jos la masqueta e en mai d’aquò sens lo tradicional poton entre nosaus! Eugèni Labiche escriguèt « Potonejam-nos Vilafòla » que devenguèt una expression ironica per designar las demonstracions d’amistat. A l’ora d’ara, la cal interdire aquela pèça qu’es pas confòrme als gèstes barrièras ? Çaquelà empacha pas tot lo monde de parlar amb tot lo monde e las afinitats se son ja creadas. Doncas coma foguèt tan plan dit del temps d’una reflexion collectiva : serem las nòu masquetas del Jorn’9 e capitarem en trabalhant amassa malgrat los risques d’aquela annada tan particulara.

Aurèlia Lagarde e la còla