La lentilha de Sant FlorLo Dijòus 22 d’octòbre de 2020, la còla partiguèt a l’encontre de SergiRamadier e Girard Cibiel. Los dos òmes nos esperàvem a Sant Flor, dins lorentrepaus, que pòrta a son entrada lo panèl « La Lentille Blonde de Saint Flor».
Sergi nos contèt l’istòria d’aquesta produccion. La planesa èra una tèrrapropícia a la cultura de la lentilha blonda ; dins las annadas 50, òm comptava1000 ectaras de lentilhas. Puèi los productors se son convertits a la produccionde lait, la lentilha ne patiguèt tant qu’a la fin de las annadas 60, i aviá pasgaire de culturas de lentilha.
Dins las annadas 2000, Sergi e d’autres collègas agricultors montèron unaassociacion per tornar produsir aquesta leguminosa. En 2006 la reflexions’aprigondiguèt e lo primièr de genièr de 2007, la societat (SARL) «La LentilleBlonde de Saint Flour» nasquèt. Uèi, son 40 productors que se recampan perprodusir de 120 a 150 toneladas de lentilhas per annada. Son totes agricultorsque diversifican lors produccions (dins la tòca de pas tot metre sus un solproduch), levat «l’intellectual» de la còla, coma ditz Sergi, que es professorde geografia.
Girard nos faguèt visitar l’entrepaus, qu’es un gran cobèrt emplenat de «bigbags» de lentilhas trigadas o dins l’espèra d’èsser trigadas e dins lo fond,tres grandas maquinas. La primièra, lo «triaire-separaire», dessepara laslentilhas de las impuretats. Son mai que mai de cerealas portadas per lameissonaira-bateira que serviguèt per d’autras culturas, que son recicladas encompòst e recuperadas per la comunitat de comunas de Sant Flor. Per la recòltade las lentilhas, l’enjòc es d’esperar que la planta seque per aver una granaamb mens de 15% d’umiditat. Una segonda triada es efectuada per la tauladensimetrica, puèi lo triaire optic selecciona las lentilhas segon lor color. Enprevencion de la malautiás, cal efectuar una rotacion de las culturas de 3 ans.
Las lentilhas son condicionadas en paquets per cinc emplegats del ESAT(Establiment e servici d’ajuda pel trabalh) de la comuna. Las lentilhas quepòdon pas èsser condicionadas d’aqueste biais son trasformadas en d’autresproduches : farina, confitura, cervesa, sabon, cosmetics… Dins aquestasocietat, res se pèrd pas , tot de trasfòrma.
MarionGuillet