Trobar ideas d’activitats artisticas entau cicle dus que pòt estar sovent un copacap entaus regents. Après aver tribalhat sus ua canta qui parlava d’ua montanha, que volí har un ligam de cap a ua activitat artistica. Plan solide, lo mei simple qu’èra de har un dessenh dab gredons de colors o dab feutres mes d’un punt de vista pedagogic, que’m pareishè tròp simple e pro devegiu tà escolans d’aqueth nivèu.
Serví’s deu dit com utís de dessenh e tribalhar las colors dab la greda, aquò be’m pareishè mei pertinent ; totun, n’èri pas tanpauc segur qu’anava plàser a la classa ni convençut deu resultat. Qu’estoi beròi susprés de çò qui balhè : escolans implicats, suenhats, en autonomia completa, contents de la lor produccion e fièrs de’s véder los dessenhs afichats a la classa.
Deu còp, que torni har aquera activitat dab classas navèras en tot apregondir aqueth saber har. Tà començar, que cau presentar lo dit com un vertadèr utís de tribalh : que’u cau manejar de com cau e ensenhar la tecnica tà arrepresentar las susfàcias, las ombras, los contrastes e la mesclada de las colors. Que permet aus calandrons d’observar los efèits produsits peus gèstes lors. Que cau balhar ua fòto com modèle e tanben a còps, dessenhar las limitacions deu relièu au gredon de papèr mes que dèisha pro de plaça a l’imaginari e au monde qui’s vòlen arrepresentar los escolans.
Materiau :
papèr A4
gredas
gredon
fòto « modèle”
Tà passar un beròi moment de classa e deishar córrer l’imaginari deus mainats ….
Pèir Sacaze e la còla.