Magdalenas al limon :
Ara vos vau balhar ma recèpta de las Magdalenas al limon. Aital vos poiretz regalar vosautres tanben ! Me vos cal assabentar que la preparacion pren pas qu’un vintenat de minutas e la coseson vint e cinc minutas.
Primièr vaquí las causas que devètz preparar :
– 150g de farina
– 150g de sucre
– 100g de burre
– 2 uòus gròsses
– 1 pecic de sal
– de zèst de limon/irange
D’en primièr, mesclar dins una terralha los uòus entièrs, amb lo sucre e la sal. Trabalhar fins a obténer un mescladís blancàs. Incorporar pauc a cha pauc : farina, burre fondut, e zèst de limon. Emplenar puèi cada mòtle a mitat. Còire a forn doç del temps de cinc a uèit minutas, puèi a forn caud un desenat de minutas. Un còp sortidas las poiretz manjar caudas o frescas a vòstre agrat.
Bon apetís !
Pichòt jòc de far del temps de la coseson :
Trapar los mots seguents e los subrelinhar :
Apondre – Burre – Còser – Farina – Lach – Limon – Mesclar – Mesura – Pebre – Raspar – Rotlar – Sal – Sucre – Tastar – Temps – Uòus
| F | A | R | I | N | A | E | O | A | S | B |
| L | A | C | H | M | J | V | M | C | U | O |
| I | P | O | P | G | E | E | T | R | C | R |
| M | O | S | E | F | S | S | R | O | R | A |
| O | N | E | B | U | P | E | C | T | E | P |
| N | D | R | R | O | M | S | A | L | Q | S |
| S | R | A | E | U | E | X | N | D | A | A |
| Z | E | T | A | S | T | A | R | R | U | R |
Amèlia Chabaud e la còla