Participèri a una sortida street art dins Montpelhièr que me balhèt enveja de vos partejar d’unas òbras. Lo street art concernís diferents biaisses d’expression, la pintura, lo pega solet, las construccions, los engana l’uèlh, e mai de tablèus directament expausats coma dins un musèu a cèl dubèrt.
Fòrça artistas s’exprimisson dins las carrièras, Sunra per exemple es l’un dels artistas mai conegut dins la vila. Sas òbras se reconeisson a las colors, fòrça siloètas negras enrodadas de còrs roges e de citacions que fan plaser als montpelhierencs.
D’unes veson mai grand e pintran de parets entièras coma Zest, Mist, Nadege Feran, Arkane…
S’utilizan tanben de portalhs, d’escobilhas e mai de potèls coma Krystof, un autre artista montpelhierenc que s’inspira de libres coma Les villes invisibles d’Italo Calvino per faire soscar son public a travèrs sas pinturas e sos pega solets.
Aquò per dire, que quora sètz en passejada, dins lo tram, en veitura, e subretot a pè, levatz lo nas e observatz çò que se trapa a l’entorn.
Marilon Ferré e la còla