Tad aquesta purmèra sortida capvath Occitania, los calandrins que descobrín un platèu montanhòu deu Cantal qui senhoreja a mei de 1000 mètres de “ hauçada” com disen aciu. L’aubergament que’s tròbava a Coltinas, un vilatge de la dita “planesa de Sent Flor”, qui s’esten enter las montanhas de la Margeride a l’èst e los Monts deu Cantal a l’oèst.
Aqueth parçan qu’ei conegut e arreconegut dens lo departament sancèr per’mor de la soa tèrra volcanica e doncas fertila. Dinc au sègle XXau, que s’i cultivava blat, segle e lentilhas blondas, especialitat de la planesa. Mes adara l’agricultura que s’ei virada de cap au neurissatge dab vacas de tota raça (salers, limosinas, aubrac, charolesa, monbeliarda). Que son lo Pau Antony e lo Bernat Giacomo, amorós deu lor país qui’ns hasón conéisher aqueth territòri au parat d’ua sortida en veitura.
Que ns’estanguèm en mantun vilatge, sus mantun camin entà que’ns hasossen partatjar la beutat de l’endret : un país pasible e autentic !