La practica de las activitats de plena consciéncia fai actualament l’object d’un important embeguinament scientific e pedagogic.
Mas qu’es quò ?  Coma la practicar en classa ? Quaus son los benificis ? 

La plena consciéncia fuguet adaptada en tirant de las practicas de meditacion tradicionalas originadas dau bodisme, praticadas en India dempuei 2500 ans. Kabat-Zinn (professor de medecina) la descriu coma lo fach de “portar son atencion sus lo moment present, instant apres instant, d’un biais intencional e sens jutjament de valor”. Ben que venha d’una tradicion reirenaula millenària, se marca coma una meditacion laïca uei, destachada de tot biais religios. 

Quela metòda es adressada a tot public e la podem trobar en mitan escolar de mai en mai. L’objectiu es de melhorar l’estat psichic et lo benesser individuau dau dròlle. Ajuda lo dròlle a èsser atentiu a çò que sent, a favorizar lo retorn a la tranquillitat, a se tornar conectar a l’aici e a l’aura de sas sensacions, de sas emocions, de sos besonhs.

 Mas coma metre en plaça la meditacion de plena consciéncia en classa ?

La metòda d’Eline Snel [2013] titolada « l’attention ça marche ! » pòt estre aplicada en classa pro aisadament emb las ressorças disponiblas.

Veiquí quauques exercicis de meditacion :

  • La pita gaulhada : l’exercici usa la representacion mentala d’una gaulhada per menar los mainatges a s’identifiar a l’animau. L’idéia es d’acceptar prumierament l’agitacion naturela puei de comprener qu’apres un trabalh regular, quela darniera será de mai en mai aisat a acceptar e a mestrejar.
  • Atencion a la respiracion : los dròlles aprenen a se concentrar sus lor respiracion e çò que senten.
  • Lo boton pausa : per prener consciéncia de l’estat de sa « meteo interiora » e los ajudar a acceptar lors sensacions .
  • L’exercici dau Spaghetti : l’exercici es plan apreciat. Aprenen a transformar lors muscles tenduts (spaghettis durs) en muscles totalament destenduts (spaghettis mols). Quela activitat es un trabalh sus lo laschament de la tension musculara e lo benesser procurat.

E quaus son los benificis ?

– Melhorança dau sentit de benesser
– Ajudar a la prevencion de l’anxietat
– Comprener lo fonccionar de sas emocions
– Tornar prener lo contraròtle de se sus lo moment present

Estèla