Lo 2 de febrièr foguèt Candelosa, calguèt doncas far sautar los pescajons ! Es vertat que per Candelosa se manjan pescajons mas pas que, al Dimars Gras es frequent de los cosinar e fin finala a l’ora d’ara se manjan tot lo long de l’annada. Una costuma de Candelosa consistís a far sautar los pescajons amb un loís d’aur dins la man esquèrra per mancar pas d’argent l’annada tota (plan segur ne cal aver un sequenon una pèça de moneda sufirà).
Vaquí la recèpta per un dotzenat de pescajons:
| Ustensilhas | Ingredients |
un ensaladièr un dosaire un culhièr de fusta una caça una padena pels pescajons | 150 gramas de farina 2 uòus 30 cl de lait 1 pecic de sal burre perfum (vanilha o raspadura de citron o ròm) |
D’en primièr, dins un ensaladièr, metre la farina e un pecic de sal. Apondre los uòus e mesclar amb un culhièr de fusta fins a obténer una pasta lisa. Puèi, pauc a pauc, incorporar lo lait freg e lo perfum causit. Batre fins aver una pasta pro liquida sens grumèls. Daissar pausar la pasta. Metre un bocin de burre dins una padena pels pescajons e amb la caça i metre de pasta. Daissar còire lo pescajon d’un costat, lo virar e daissar còire encara. Tornar començar fins a que s’acabe la pasta. Abans de lo manjar, l’espocar de sucre o alara i metre de confitura o de chocolat en foncion de sos gostes.
Bon apetís !
Per acabar, vaquí un pichon provèrbi : quand per Candelosa lo solelh lusís, una quarantena de jorns d’ivèrn seguís.
Aurèlia Lagarde e la còla